«ՔՊ-ն փորձում է քաղաքային իշխանությունը խլել ձերբակալություններով»․ Սոնա Աղեկյան

«Մայր Հայաստան» կուսակցության անդամ Սոնա Աղեկյանի ֆեյսբուքյան գրառումը․ «Այն ինչ այս պահին կատարվում է Գյումրիում, ոչ այլ ինչ է, քան քաղաքական հաշվեհարդար ընդդիմադիր քաղաքապետի նկատմամբ։
ՔՊ-ն չկարողացավ Գյումրիում իշխանության գալ ընտրություններով, հիմա փորձում է քաղաքային իշխանությունը խլել ձերբակալություններով։
Գյումրին այսօր կանգնած է ոչ թե մի պաշտոնյայի, այլ քաղաքի արժանապատվության պաշտպանության հարցի առաջ։
Քաղաքապետի դեմ կիրառվող բռնաճնշումները՝ կասկածելի մեղադրանքներով և ցուցադրական ձերբակալությամբ, ունեն մեկ նպատակ՝ զսպել ու վախեցնել բոլոր այն համայնքների ղեկավարներին, որոնք չեն ենթարկվում ՔՊ-ական կամակատարություններին։
Սակայն Գյումրին երբեք չի լռել և չի վախեցել։
Գյումրին ավերակների մեջից էլ վեր է հառնել։
Այսօր էլ նա կկանգնի հանուն արդարության և իր իսկ ընտրության իրավունքի պաշտպանության»։