«Սկսվել է վարչապետի հայտարարության իրականացման գործընթացը». Արամայիս Հայրապետյան

«Ես ծանուցվել եմ այս հասցեով ներկայանալու համար: Առավոտվանից Վարդան Ղուկասյանի հետ եմ եղել: Իմ տեղեկություններով ինքն արդեն այստեղ է»,- ՀՀ Քննչական կոմիտեի դիմաց լրագրողների հետ զրույցում ասել է Գյումրու քաղաքապետ Վարդան Ղուկասյանի փաստաբան Արամայիս Հայրապետյանը:

Նա հայտնել է, որ 6-7 դրվագից 1 է վերաբերում Վարդան Ղուկասյանի պաշտոնավարման ընթացքին, մնացածը վերաբերում է 2024 թվականի դեկտեմբեր-2025 թվականի փետրվարին, իսկ այդ ժամանակ Ղուկասյանը քաղաքապետ չի եղել:

«Սկսվել է ամբիոնից վարչապետի հայտարարության իրականացման գործընթացը, այն է՝ Վարդան Ղուկասյանին հեռացնել քաղաքական և հանրային դաշտից: Քաղաքական դաշտից այսպիսի մեթոդներով հնարավոր է, իսկ հանրային դաշտից հեռացնելը հնարավոր է ֆիզիկապես ոչնչացնելով»,- հավելել է փաստաբանը: