Բեռնատարների վարորդները փակել են Հայաստան-Վրաստան միջպետական ճանապարհը

Այս պահին լարված իրավիճակ է Հայաստան-Վրաստան միջպետական ճանապարհին։ Բեռնատարների վարորդները, ինչպես նախազգուշացնում էին, բեռնատարներով փակել են այն։
Հիշեցնենք, որ վարորդների բողոքն ուղղված է ՌԴ-ում միգրացիայի կանոնների խստացման դեմ և նրանք կառավարությունից ակնկալելում են քայլեր ձեռնարկել և բանակցել ՌԴ-ի հետ խստացումների մեղմացման համար։
Մի քանի օր վարորդները բողոքի ակցիա էին իրականացրել կառավարության շենքի մոտ։ Այսօր տեղի ունեցած հերթական ակցիայից հետո վարորդներն ուղևորվել էին ՌԴ դեսպանատուն՝ պահանջելով, որ դեսպանը կապ հաստատի Ռուսաստանի ԱԳՆ-ի հետ, այլապես վաղը առավոտյան բեռնատար մեքենաներով կոլապսի կենթարկեն Հայաստանի ճանապարհները։
Սակայն, ըստ վարորդները չեն սպասել ու հիմա են փակել միջպետական ճանապարհը։

Նշենք, որ նրանք պահանջում են ՌԴ-ի հետ բանակցել և փոխել օրենսդրության պայմանները, որի համաձայն, օտարերկրյա քաղաքացիները տարվա ընթացքում Ռուսաստանում կարող են գտնվել մինչև 90 օր, նախկին 180 օրվա փոխարեն։

ՌԴ Ֆեդերալ օրենքի 115-րդ հոդվածի կարգավորումով սեպտեմբերի 10-ին ՌԴ-ում խստացվել է կանոնակարգը, որի համաձայն, օտարերկրյա քաղաքացիները տարվա ընթացքում կարող են ՌԴ-ում գտնվել մինչև 90 օր, ոչ թե 180 օր։ Այդ կետը, ըստ բեռնափոխադրման վարորդների, չպետք է վերաբերվի նրանց և ուղևորներ փոխադրող վարորդներին, քանի որ միայն 90 օր և ավելի վարորդները կարող են կանգնած մնալ «Վերին Լարս» անցակետի մոտ։