Երեքշաբթի, 21 հոկտեմբերի, 2025 թ.
|
Ստեփանակերտում`   +15 °C

«Շրջանառվող տեղեկատվության համաձայն, գաղտնալսումը կատարվել է ԱԹՍ-ի միջոցով»․ Վիտալի Մանգասարյան

«Շրջանառվող տեղեկատվության համաձայն, գաղտնալսումը կատարվել է ԱԹՍ-ի միջոցով»․ Վիտալի Մանգասարյան
153
Այսօր, 10:30

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը. «Մամուլում շրջանառվող տեղեկատվության համաձայն, Գյումրու քաղաքապետի գործով իրականացված գաղտնալսումը կատարվել է անօդաչու թռչող սարքի (ԱԹՍ) միջոցով, որը հագեցած է հատուկ գաղտնալսման համակարգով։
Կարծում եմ, օպերատիվ ծառայության նրբությունները հրապարակելը և դրանով «գլուխ գովելը» կազմակերպված հանցավորության դեմ պայքարում ոչ մի օգուտ չի բերում, այլ, ընդհակառակը, վնասում է։ Հանցագործները առնվազն տեղեկանում են իրավապահների մեթոդների և հնարավորությունների մասին:
Իսկ ինչ վերաբերում է Գյումրիում տեղի ունեցած և արդեն սովորական դարձած գործողություններին, ապա դրա մասին տեղեկատվությունը օրեր առաջ նախապես հնչել էր ԱԺ ամբիոնից՝ «յոթ տարի միևնույն դասարանում մնացած տգետի» կողմից:
Սա ևս մեկ անգամ ապացուցում է, որ ուժային կառույցները մշտապես ականջալուր են և հետևում են իշխանության ներկայացուցիչների ցուցումներին, նույնիսկ եթե դրանք խախտում են օպերատիվ աշխատանքի հիմնարար սկզբունքները»։