Անօդաչուները հարձակվել են Սուդանի Խարթում նահանգի վրա

Արագ արձագանքման ուժերը անօդաչու թռչող սարքերի միջոցով հարձակվել են Խարթում նահանգի վրա, հաղորդում է «Ալ Ջազիրա»-ն՝ հղում կատարելով տեղական աղբյուրներին։
Տեղի բնակիչների խոսքով՝ պայթյունների ձայներ են լսվել:
2023 թվականի ապրիլի 15-ից Սուդանում թեժ մարտեր են ընթանում Մուհամմադ Համդան Դաղլոյի հրամանատարությամբ գործող արագ արձագանքման ուժերի և կանոնավոր բանակի միջև: Կարմիր խաչի միջազգային կոմիտեն (ԿԽՄԿ) հայտարարել էր, որ երկրում շարունակվող մարտերը կարող են հանգեցնել հիվանդությունների բռնկման և առողջապահական համակարգի փլուզման: