«Ժամկետային զինծառայության ժամկետը հունվարի 1-ից կրճատվում է»․ Նիկոլ Փաշինյան

«Ժամկետային զինծառայության ժամկետը հունվարի 1-ից կրճատվում է»,- այս մասին ֆեյսբուքյան եթերում հայտնել է ՀՀ վարչապետ Նիկոլ Փաշինյանը:

«Պաշտպանության նախարարը խորհրդարանական գործընկերների հետ քննարկումների արդյունքում օրենսդրական նախաձեռնություն էր շրջանառության մեջ դրել, որով առաջարկում էր Հայաստանում ժամկետային զինվորական ծառայության ժամկետը 2 տարվա փոխարեն սահմանել 1,5 տարի։ Ի սկզբանե նախատեսված էր, որ այս կարգավորումն ուժի մեջ մտնի 2026թ․ ամառային զորակոչից, բայց այսօր քննարկում եմ ունեցել Պաշտպանության նախարարի հետ, նախորդող շրջանում՝ խորհրդարանական գործընկերների հետ, և որոշել ենք, որ օրենքն ավելի շուտ ուժի մեջ մտնի՝ 2026թ․ հունվարից։ Այսինքն՝ 2026թ․ հունվարի 1-ից, ձմեռային զորակոչից, Հայաստանում ժամկետային զինծառայությունը 2 տարվա փոխարեն կլինի 1,5 տարի»,- ասել է վարչապետը: