««Владимирский централ»-ը Մոկաց Միրզայի տեղ մի՛ նաղդեք ժողովրդի վրա»․ Արման Եղոյան

ՔՊ-ական պատգամավոր Արման Եղոյանը ֆեյսբուքյան իր էջում գրել է. «Մեծ հաշվով ընդդիմությունն իր տեսակետից ճիշտ է անում, երբ Վարդան Ղուկասյանին հռչակում է քաղաքական բանտարկյալ, քանի որ կաշառակերությունը տվյալ դեպքում ոչ թե մեկ անձի սպոնտան որոշման հետևանք է, այլ կոռուպցիոն քաղաքական համակարգի վերագործարկման փորձ։
Այսինքն, սա ոչ թե անձնական, այլ քաղաքական ընտրություն է, քաղաքական մոտեցում, քաղաքական ա՛յդ համակարգը աշխատեցնելու գործիք։
Ու ասեմ ձեզ, սա էլ կարող է լինել քաղաքական առաջարկ հանրությանը, բայց էդ մասին պետք ա անկեղծ խոսել, ոչ թե այդ մոտեցումը քողարկել իբր ազգային արժեքների համար պայքարի ծխածածկույթով։
Քաղաքականությունը երաժշտության նման է, ֆալշը միշտ ականջ է ծակում։ Կատարեք՝ ինչ ուզում եք, բայց «Владимирский централ»-ը Մոկաց Միրզայի տեղ մի՛ նաղդեք ժողովրդի վրա»։