«Անիմաստ «զոհ» են տվել, և աշխատանքային իրավունքի խախտում է տեղի ունեցել»․ Թագուհի Ղազարյան

«Վաղուց էր հայտարարվել, որ հոկտեմբերի 26-ին վարչապետը լինելու է Հովհաննավանքում, Տեր Արամն էր օրեր առաջ այդ մասին պատարագի ժամանակ հայտարարել»,- այս մասին «Ֆակտոր»-ի հետ զրույցում նշել է ՀՀ ԱԺ ՔՊ խմբակցության պատգամավոր Թագուհի Ղազարյանը։
«Այն, որ Տեր Արամին կարգալույծ են արել, պարզապես այս պատմության մեջ «զոհել» են քահանային, որպեսզի վարչապետի այցելության ժամանակ օծյալ քահանա չլինի պատարագ մատուցողը, և կարծում եմ՝ այսպիսով՝ շատ անիմաստ «զոհ» են տվել Եկեղեցուց։

Առերևույթ աշխատանքային իրավունքի խախտում է տեղի ունեցել՝ Տեր Արամին կարգալույծ անելով։ Աշխատանքային օրենսգրքով նախատեսված է, որ, եթե չեմ սխալվում, պետք է ծանուցեին 2 ամիս առաջ»,- նշել է Ղազարյանը։