«Առաջիկա օրերին կտեղեկացնենք». Թրամփը՝ Պուտինի հետ հնարավոր հանդիպման մասին

ԱՄՆ նախագահը հայտարարել է, որ ռուս-ամերիկյան գագաթնաժողովը Բուդապեշտում անցկացնելու վերաբերյալ որոշումը կարող է կայացվել առաջիկա օրերին։
«Մենք ձեզ կտեղեկացնենք մեր գործողությունների մասին առաջիկա երկու օրվա ընթացքում։ Շատ բան է կատարվում»,- ասել է Թրամփը՝ Սպիտակ տանը լրագրողների հետ հանդիպման ժամանակ։
Ավելի վաղ մի շարք լրատվամիջոցներ հայտնել էին Բուդապեշտում Վլադիմիր Պուտինի և Դոնալդ Թրամփի մասնակցուփթյամբ սպասվող գագաթնաժողովի նախապատրաստական աշխատանքների դադարեցման մասին։
Հիշեցնենք, որ հոկտեմբերի 16-ին Ռուսաստանի և Միացյալ Նահանգների առաջնորդները համաձայնել էին կրկին հանդիպել, նրանք որոշել էին, որ գագաթնաժողովը պետք է տեղի ունենա Բուդապեշտում։