«Երբ բոլոր ինստիտուտները դառնում են մեկ անձի քմահաճ գործիք, երկիրդ կործանված է»․ Մանուշ Եսայան

Փաստաբան Մանուշ Եսայանի ֆեյսբուքյան գրառումը․ «2018-ի հայտնի հայտարարությունից հետո (կա՛մ ես եմ երկրի վարչապետը, կա՛մ երկիրը վարչապետ չի ունենա) ցանկացած գիտակից մարդու համար պարզ էր, որ երկիրը գնալու է 2 ճանապարհով՝ բռնապետություն կամ քաղաքացիական պատերազմ՝ իր բոլոր անկանխատեսելի հետևանքներով։ Այն ժամանակ ես կարծում էի ամենավատ սցենարը երկրորդն է, բայց էն, ինչ ունենք այսօր՝ ոչ այլ է, քան ժողովրդավարության և պետության անկում։
Երբ երկրիդ բոլոր ինստիտուտները հերթով դառնում են մեկ անձի քմահաճ գործիք և որոշումից ու տրամադրությունից կախված՝ երկիրդ կործանված է այլևս։ Սկիզբը դրվեց այն երկրորդ հայտնի հայտարարությամբ՝ փակեք դատարանի մուտքերը, որին ցավոք կուլ գնացին նաև շատ փաստաբաններ, այդպես կործանվեց դատական իշխանությունը, հետո անձը ուղղակի միջանտեց մասնավոր սեկտորի գործունեությանը՝ ՀԷՑ, արդյունքում բիզնեսը դարձավ պետական ուղղակի միջամտության գործիք, և վերջին անկախ կառույցը եկեղեցին էր, այն ևս կործանվեց երեկվա հայտարարությամբ, որտեղ երկրի ղեկավարը ուղղակի ասեց «թքած ունեմ ձեր օրենքների և կարգերի վրա, ես եմ որոշում ով է հոգևորական, ով՝ չէ»:
Այս ամենով երկրով մեկ սկիզբ է դրվել տոտալ անարխիայի և բռնապետության, որտեղ գործում է շատ պարզ սկզբունք՝ օրենքը ես եմ, որոշողը ես եմ, ով մեզ հետ չէ՝ մեր դեմ է։
Այսքանով ուզում եմ շնորհավորել բոլոր քաղաքականությամբ չզբաղվող, մենք հիասքափված ենք, մենք այլևս ոչ մի բանի չենք խառնում ընկերներիս՝ այս վիճակը միայն և բացառապես ձեր շնորհիվ է ստեղծվել, որովհետև պրիմիտիվ քաղաքական և քաղաքացիական պատասխանատվությունից զուրկ եք։
Այս վիճակում մեղադրելու չի էն անգրագետ հեշտ կառավարվող զանգվածին, նրանք ապրում են մեկ սկզբունքով՝ ես գրագետ չեմ կամ տգեղ եմ կամ աղքատ եմ՝ թող հարևանս էլ իմ պես լինի, ու ով իրենց ցավոք թեմաներից բարձր խոսա՝ կանգնելու են նրա կողքին (սա խորը հոգեբանական խնդիր է, ցանկության դեպքում կարող եք ուսումնասիրել)։
Այս վիճակի թիվ մեկ պատասխանատուն անտարբերներն են, ովքեր որոշել են, որ իրենց խատան կողքինն է»։