«ՌԴ-ից կախվածությունը փոխարինվելու է Ադրբեջանից կախվածությամբ»․ Վահագն Ավագյան

Ազգային-Ժողովրդավարական Բևեռի խորհրդի խոսնակ Վահագն Ավագյանի ֆեյսբուքյան գրառումը․ «Երբ մենք երկար տարիներ խոսում ենք Ռուսաստանի հեռացման և Հայաստանը ինքնակամ թուրքերին հանձնելու մասին, շատերը տարակուսում են։
Այս նենգ գործողության էլեմենտներ են թե՛ Արցախի ամբողջական հանձնումը, թե՛ Ռուբեն Վարդանյանի և Սամվել Կարապետյանի բանտարկությունները (ում գլխների տակ ռուսները փափուկ բարձ դնելով՝ հանձնեցին Բաքվին և օկուպացված Երևանին), թե Հայաստանյայց Առաքելական Սուրբ եկեղեցու վրա աննախադեպ գրոհը և թե մեր աչքերի առաջ այս օրերին ծավալվող հայ բեռնատարների՝ ՌԴ-ը մուտքի փաստացի արգելքի աստիճանի հասնող «օրենքի» ընդունումը և զուգահեռաբար Ալիևի կողմից դեպի Հայաստան բեռների մուտքի արգելքի վերացման հայտարարությունը։
Ռուսաստանից կախվածությունը փաստացի փոխարինվելու է Ադրբեջանից կախվածության և բոլորը ծափ են տալու դրան, իսկ Արևմուտքի հետ հարաբերությունների զարգացումն ու խորացումը մնալու են ընդամենը մակերեսային խոսակցություններ»: