Պերուի մայրաքաղաքում արտակարգ դրություն է հայտարարվել

Պերուի նախագահ Խոսե Ջերին 30-օրյա արտակարգ դրություն է հայտարարել մայրաքաղաք Լիմայում և հարևան Կալյաո նահանգում՝ նշելով, որ այս քայլը նպատակ ունի պայքարել հանցագործության աճի դեմ։
Հայտարարությունը հաջորդել է անցյալ շաբաթ տեղի ունեցած բողոքի ցույցերին, որոնք վերածվել էին ոստիկանության հետ բախումների: Մեկ մարդ զոհվել էր, ավելի քան 100-ը վիրավորվել։ Ցուցարարները պահանջում էին նախագահի հրաժարականը:
Ջերին նշել է, որ Նախարարների խորհրդի կողմից հաստատված միջոցառումը թույլատրում է զինված ուժերի տեղակայումը ոստիկանության հետ միասին՝ հասարակական կարգը պահպանելու համար: