«Լավ ա խորանին չի բարձրանում»․ Հայկ Մամիջանյան

«Դա խայտառակություն է, մտածելը դրա մասին աննորմալ է իմ համար, երբ կարգալույծ արված քահանան մատուցում է Սուրբ Պատարագ, վարչապետի աթոռին նստածն ասում է՝ ամեն ինչով իրա կողքին կանգնած է, սատարելու է, մասնակցելու է. լավ ա խորանին չի բարձրանում»,- այսօր ՀՀ երրորդ նախագահ Սերժ Սարգսյանի գործով դատական նիստից առաջ լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը՝ պատասխանելով լրագրողի այն հարցին, թե կիրակի ի՞նչ զարգացումներ կարող են տեղի ունենալ Հովհաննավանքում պատարագից հետո, որը մատուցելու է կարգալույծ արված քահանան և որին մասնակցելու է վարչապետը։

«Դրա զարգացումները կարող են վտանգավոր լինել, որովհետև Փաշինյանն ասել է, որ հետ չի կանգնելու իր հակաեկեղեցական արշավից, շարունակելու է թիրախավորել ՀԱԵ-ն և նրա առաջնորդին։ Քանի դեռ ինքը ունի իշխանություն, կարող է թույլ տալ նմանօրինակ լկտիություններ»,- նշել է ընդդիմադիր պատգամավորը։