«Չեմ կարող ասել, որ այս ընտրությունը լինելու է առանց սրան-նրան «շինելու»». Սերժ Սարգսյան

Դատարանի բակում լրագրողների հետ զրույցում ՀՀ երրորդ նախագահ Սերժ Սարգսյանն անդրադարձավ հարցին՝ մտավախություն չունե՞ք, որ 2021 թվականի սցենարը կկրկնվի. «Բոլոր պրոցեսներում լինում են լավ ու վատ իրավիճակներ: Եթե ես մտավախություն չունենայի, էդքան լուրջ չէի զբաղվի իմփչմենթի գործընթացով: Բայց օր առաջ այս իշխանություններին հեռացնելը Հայաստանի համար միայն դրական ազդեցություն կունենա: Չեմ կարող ասել, որ ընդդիմությունն ընտրություններում անհաջողության է մատնվելու, բայց նաև չեմ կարող ասել, որ այս ընտրությունը լինելու է առանց բռնաճնշումների, առանց քաղաքական հակառակորդներին մեկուսացնելու, առանց մուրճի, առանց, կներեք արտահայտությանս համար, սրան-նրան շինելու»: