«Երևանի թիվ 4 պոլիկլինիկայի շենքը քայքայման եզրին է»․ Պեդրո Զարոկյան

Երևանի ավագանու «Ազգային առաջընթաց» խմբակցության անդամ Պեդրո Զարոկյանը ֆեյսբուքյան իր էջում տեսանյութ է հրապարակել, որտեղ անդրադառնում է Երևանի թիվ 4 պոլեկլինիկայի անմխիթար վիճակին և գրել․ «Քաղաքապետարանն ու կառավարությունը 4-րդ պոլիկլինիկայի շենքը թողել են քայքայման եզրին»։ «Նույնիսկ ջեռուցման հարց չեք կարողանում լուծել, սենյակները օդորակիչով են տաքացվում, հոսանքով, բայց ամբողջ շենքը ձմռանը մնում է սառը վիճակում։ Պատուհանները ցելոֆանով են ծածկված, հատակը քանդվում է, փոխվում են որոշ պատուհանների ապակիներ, բայց շրջանակները չեն փոխվում, որովհետև քաղաքապետարանից թույլտվություն չունեն։ Կլինիկայի հիվանդների սենյակները լավ վիճակում են, բայց ադմինիստրատիվ սենյակները չեն նորոգվում»․ մասնավորապես նշում է Զարոկյանը։