«Վարդան Ղուկասյանը հայտարարել էր, որ Ավինյանին քաղաքապետ դարձնելը եղել է իր որոշումներից մեկը»․ Արտակ Գալստյան

Այսօր «Հանրային ձայն» կուսակցության նախագահ Արտակ Գալստյանի ճեպազրույցի ժամանակ լրագրողները հարցրել են, թե «Ասում էին, որ առևտուր է տեղի ունեցել ՔՊ-ի և «Հանրային ձայն»-ի միջև՝ Տիգրան Ավինյանի ընտրության հետ կապված․ հնարավո՞ր է Վարդան Ղուկասյանը մտած լինի առևտրի մեջ»։

«Էդ ի՞նչ առևտուր ենք արել, որ «Հանրային ձայն» կուսակցության գրասենյակը երրորդ տարին է կապարակնքված ա։ Ես քրեակատարողական հիմնարկում հնարավորություն ունեցա տեսնել Վարդան Ղուկասյանի լայվը, կարծում եմ, որ Վարդան Ղուկասյանը ուղիղ հայտարարել է, որ Ավինյանին քաղաքապետ դարձնելը եղել ա իր որոշումներից մեկը»,- պատասխանեց Գալստյանը։

«Վարդան Ղուկասյանը ասում էր՝ ես եմ ստեղծել «Հանրային ձայն»-ը, ես էլ՝ կթաղեմ»․ մեջբերեցին լրագրողները։ «Մարդ էլ կար, ասում էր՝ Արցախը Հայաստան է և վերջ, հետո՞»․- պատասխանեց Արտակ Գալստյանը։