«Պատահական չէ, որ հենց այսպիսի կերպարն է դարձել Նիկոլի և Աննայի սիրելին». Վահագն Ավագյան

Ազգային-Ժողովրդավարական Բևեռի խորհրդի խոսնակ Վահագն Ավագյանի ֆեյսբուքյան գրառումը․ «Արդյո՞ք առնչություն ունի Նիկոլ Փաշինյանի հիմնած աղանդավորական շարժման առաջնորդ Ստեփան Ասատրյանը Երևանում սպանված չեչենուհի Այշատ Բայմուրադովայի անհետացման հետ։
Այսօր հոկտեմբերի 23-ին Ստեփան Ասատրյանը լրագրողներին հայտնել է, թե ինչպես նախկինում, այնպես էլ այժմ համարում է, որ Հայաստանին անհրաժեշտ է Ռամզան Կադիրովի նման առաջնորդ (մի կողմ թողենք, որ, փաստորեն, նոր աղանդը քրիստոնեական չէ, այլ իսլամական։ Հակառակ դեպքում ինչպե՞ս կարող էր ծայրահեղ իսլամիստը քրիստոնյա անգամ աղանդավորի կողմից այդքան բարձր գնահատականի արժանանալ)։
Մի քանի օր առաջ Չեչնիայից փախած և Երևանում սպանված Բայմուրադովայի սպանության հետքերը, ըստ հրապարակումների, տանում են դեպի Կադիրով (սոց ցանցի իր էջում նոր ընկերների շարքում կային Կադիրովի հետ ընդհանուր ընկերներ)։ Քանի որ ՀՀ-ը ոստիկանությունը մինչ օրս պարզաբանում չի ներկայացրել դեպքի առնչությամբ, ենթադրյալ կասկածի մակարդակով կարող ենք հուշել իրավապահներին՝ հարցաքննել Հայաստանում ապրող այն անձանց, ովքեր անթաքույց համակրում են տարբեր երկրներում հարյուրավոր սպանություններով և պատերազմական հանցագործություններով հայտնի Քադիրովին։
ՀԳ
Կադիրովից ավելի զազրելի կերպար այս աշխարհում երևի գոյություն չունի (տասնյակ կանանցից երեխաներ, քաղաքական հակառակորդների սպանություներ, Նեմցովի սպանություն, իրավապաշտպանների սպանություններ, պատերազմական հանցագործություններ Ուկրաինայում և այլն) և պատահական չէ, որ հենց այսպիսի կերպարն է դարձել Նիկոլի և Աննայի սիրելին»։