«Այ տգետներ, Ալիևի ամբողջ նպատակը հենց դա էր». Լևոն Զուրաբյան

ՀԱԿ փոխնախագահ Լևոն Զուրաբյանը ֆեյսբուքյան էջում հրապարակել է․ «ԱԴՐԲԵՋԱՆԸ ԿԱՐՈՂ Է ՄԻԱԿՈՂՄԱՆԻՈՐԵՆ ՕԳՏԱԳՈՐԾԵԼ ԻՐ ՏԱՐԱԾՔՈՎ ՀԱՂՈՐԴԱԿՑՈՒԹՅՈՒՆԸ՝ ՈՐՊԵՍ ՀԱՅԱՍՏԱՆԻ ՎՐԱ ՃՆՇՈՒՄՆԵՐԻ ԳՈՐԾԻՔ
Փաշինյանի պրոպագանդան հիմա էլ փորձում է Զանգեզուրի ﬕջանցքի հանձնումն արդարացնել նրանով, որ դրա արդյունքով Ադրբեջանն, իբր, կախվածության ﬔջ է ընկնելու Հայաստանից։ Նիկոլական սուտը հենց այսպիսինը պիտի լինի եւ նվաստացուﬓ ու պարտությունը մատուցի՝ որպես հաղթանակ ու ﬔծագույն առավելություն։
Այ տգետներ, Ալիեւի ամբողջ նպատակը հենց դա էր՝ ստանալ ﬕջազգայնորեն լեգիտիմացված «անխոչընդոտ» հաղորդակցություն Հայաստանի տարածքով, որում «անխոչընդոտ» բառը նշանակում է, որ այլեւս այդ հաղորդակցության կառավարումն ընդհանրապես կախված չի լինելու Հայաստանի կառավարության որոշուﬓերից։
TRIPP գործարքը հենց դա է նշանակում. Ադրբեջանի համար հաստատվում է ﬕջազգայնորեն երաշխավորված հաղորդակցության ﬕ ռեժիմ, որի վրա Հայաստանն այլեւս որեւէ ազդեցություն չի ունենալու, հետեւաբար, չի կարողանալու այն օգտագործել՝ որպես
քաղաքականության գործիք։
Իսկ այն ճանապարհները, որը Ադրբեջանն է բացում ﬔզ համար, գտնվելու են ամբողջությամբ Ադրբեջանի ինքնիշխանության շրջանակներում, նրանց վրայով ﬔր հաղորդակցության ռեժիﬓ ու պայմանները կարգավորելու է Ադրբեջանը, հետեւաբար, հեշտությամբ օգտագործելու է որպես Հայաստանի վրա տնտեսական եւ քաղաքական ճնշուﬓերի գործիք։
Այնպես որ, առաջարկված խաղաղ կարգավորումը ﬕակողմանի առավելություններ է տալիս Ադրբեջանին՝ իր պայմանները եւ քաղաքականությունը Հայաստանի նկատմամբ թելադրելու նպատակով։
P. S. Իհարկե, Հայաստանի համար տրանզիտը Ադրբեջանի տարածքով բացելու Ալիեւի որոշումը ողջունելի է՝ որպես խաղաղության հաստատմանը նպաստող քայլ, բայց այն չի հանում սույն գրառման ﬔջ ներկայացված մտահոգությունները, քանի որ Ալիեւի ցանկացած քմահաճույքի դեպքում այն կարող է նորից փակվել կամ օգտագործվել՝ որպես ճնշման ﬕջոց։
Այդ հարցը կարող է լուծվել ﬕայն ﬔր ներկայացված TRIPP+BRICS «Զանգեզուրի հանգույցի» ծրագրի իրականացման դեպքում, ինչի շնորհիվ Հայաստանն իմունիտետ ձեռք կբերի Ադրբեջանի հնարավոր ճնշուﬓերի նկատմամբ»։