ՀՀ-ում ցմահ դատապարտված սիրիացի վարձկանների արտահանձնման վերաբերյալ դիմումներ չեն ստացվել

Հայաստանում ցմահ դատապարտված սիրիացի վարձկանների արտահանձնման վերաբերյալ դիմումներ չեն ստացվել։ Այս մասին, ի պատասխան Armenia Sputnik–ի հարցման, հայտնել են ՀՀ արդարադատության նախարարությունից։

Հիշեցնենք՝ 2020 թվականին Լեռնային Ղարաբաղի դեմ ռազմական գործողություններին մասնակցած երկու վարձկան ահաբեկիչների՝ Մեհրեդ Մուհամմադ ալ–Շխերին և Յուսեֆ Ալաբեդ ալ-Հաջին 2021 թվականի մայիսին դատապարտվել էին ցմահ ազատազրկման:
Նախարարությունից հայտնել են, որ վարձկան ահաբեկիչները գտնվում են «Երևան» քրեակատարողական հիմնարկում: «Նրանց վերաբերյալ հանձնման վերաբերյալ դիմումներ չեն ներկայացվել, և նրանք չեն հանձնվել այլ երկիր», - լրատվականին հայտնել են նախարարությունից։