«Փաշինյանի պարտությունն այս պայքարում ավելի հաստատուն է դառնում»․ Վլադիմիր Մարտիրոսյան

Քաղաքագետ Վլադիմիր Մարտիրոսյանի ֆեյսբուքյան գրառումը. «Ի գիտություն Փաշինյանի հակաեկեղեցական պայքարի պատվիրատու, շահառուների: Փաշինյանի պարտությունը այս պայքարում օր օրի ավելի հաստատուն և համոզիչ է դառնում: Նա ճարահատյալ անցել է առավել ծայրահեղական և սեպարատիստական գործողությունների նույնիսկ պատրաստվում է իրականացնել ՀՀ քրեական օրենսգրքի 209-րդ հոդվածով արգելված արարք՝ կրոնական ծեսի կատարումը խոչընդոտելը: Նրա քաղաքական շնչառությունն ավարտվում է և նա այլևս անցել է սեփական ժողովրդի տեռորին և շանտաժին: Դա անխուսափելիորեն ավարտվելու է նրա քաղաքական անփառունակ վախճանով և ձեր նկրտումների ու պատվերների ձախողմամբ: Ձեր կողմից նրան տրված «Խաղաղություն» բառը նույնիսկ որևէ կերպ նրան այլևս չի լեգիտիմացնում և սննկացել է: Հայ մարդիկ անխուսափելիորեն իրենց երկրի վերահսկողությունն ու կառավարումը վերցնում են ձեր ձեռքից»: