«Սա ցույց է տալիս, որ վախենում են իմփիչմենթի գործընթացից»․ Հայկ Մամիջանյան

«Բնականաբար, այն ինչ տեղի է ունենում Դավիթ Համբարձումյանի հետ՝ քաղաքական հետապնդում է, սա ցույց է տալիս այսօրվա կառավարիչների վախը իմփիչմենթի գործընթացից»,- այսօր լրագրողների հետ ճեպազրույցի ժամանակ ասաց ԱԺ «Պատիվ ունեմ» խմբակցության ղեկավար Հայկ Մամիջանյանը՝ խոսելով Մասիս համայնքի ղեկավար Դավիթ Համբարձումյանի նկատմամաբ իրականացված դատավճռից։ «Պարզ տրամաբանություն է, որ սա իմփիչմենթի հետ է կապված, այս դեպքը 2018թ․ դեպք է, նոր հիշեցի՞ն։ Եկեք մի քանի բան իրար հետ համադրենք․ մի քանի ամիս տարբերությամբ վճիռ է տրվում, որ հանկարծ համաներման տակ չընկնի, իրականացնողներ չկան՝ կազմակերպիչ կա, ինքը «Պատիվ ունեմ» խմբակցության իմփիչմենթի առաջադրած թեկնածուն է և արդեն իսկ ունի խորհրդարանական ընդդիմության ամբողջական աջակցությունը, ու դրանից հետո կայացվում է դատավճիռը»,- պարզաբանեց ընդդիմադիր պատգամավորը։

Լրագրողի հղմանը, որ Ալեն Սիմոնյանը հակառակն է պնդում, որ սա քաղաքական հետապնդում չէ, Հայկ Մամիջանյանը պատասխանեց․ «Սիմոնյանը ասում է Արցախը չենք հանձնել, հետո՞, ինչքան դա ճշմարտության հետ կապ ունի, այնքան էլ սա»։