«ՌԴ նախագահի հատուկ ներկայացուցիչը ժամանել է ԱՄՆ»․ CNN

874

Ուրբաթ, 24 հոկտեմբերի, 2025 թ., 16:28

Ռուսաստանի նախագահի հատուկ ներկայացուցիչ, Ռուսաստանի ուղղակի ներդրումների հիմնադրամի (RDIF) ղեկավար Կիրիլ Դմիտրիևը պաշտոնական այցով ժամանել է Միացյալ Նահանգներ, հաղորդում է CNN-ը՝ հղում անելով իր աղբյուրներին։

Նշվում է, որ Դմիտրիևը հանդիպելու է ԱՄՆ նախագահ Դոնալդ Թրամփի վարչակազմի ներկայացուցիչների հետ՝ «քննարկելու ԱՄՆ-ի և Ռուսաստանի միջև հարաբերությունները»։

Ռուսաստանի նախագահ Վլադիմիր Պուտինը և Դոնալդ Թրամփը պետք է առաջիկա շաբաթներին հանդիպեին Բուդապեշտում։ Հոկտեմբերի 22-ին ԱՄՆ նախագահը հայտարարել է, որ հանդիպումը հետաձգվում է, քանի որ նախատեսված գագաթնաժողովը չի կարողանա «հասնել ցանկալի նպատակին»։ Նույն օրը ԱՄՆ-ն պատժամիջոցներ է կիրառել Ռուսաստանի դեմ, այդ թվում՝ «ԼՈՒԿՕՅԼ» և «Ռոսնեֆտ» նավթային ընկերությունների դեմ։