«Ակնկալում էի միջազգային իրավապաշտպան կառույցների արձագանքը»․ Սիմոն Բաբայան

«Երբ որ 2018 թվականին տեղի էին ունենում, այսպես ասած, քաղաքական շարժումներ, մեր բազում գործընկերներ ակտիվ իրավական օգնություն էին ցուցաբերում ցուցարարներին, ակտիվիստներին, բայց մենք նույնիսկ այդ ժամանակ երբևիցե չենք ունեցել այնպիսի իրավիճակ, երբ փաստաբանի իրավունքները ոտնահարվեն։ Փաստաբանները անարգելք կարողանում էին մուտք գործել ոստիկանական բաժանմունքներ և անհրաժետ առաջնային իրավաբանական օգնությունը ցուցաբերել»,- այսօր կազմակերպված ասուլիսի ժամանակ ասաց Փաստաբանների պալատի նախագահ Սիմոն Բաբայանը։

«Ցավոք սրտի վերջին շրջանում տեղի է ունենում ոտնձգություն փաստաբանների նկատմամբ, որն ուղղակի հետք է թողնում իրավական պաշտպանության որակի վրա։ Ինձ նաև զարմացնում է մեր միջազգային իրավապաշտպան կառույցների արձագանքի պասիվությունը, ես ակնկալում էի համաժամանակյա եղանակով նրանց հավուր-պատշաճի արձագանքը, չէ որ ոտնահարում են հենց իրավապաշտպան առաքելությունը, փաստաբանի աշխատանքը»,- նշեց Սիմոն Բաբայանը։