«Հայաստանում ինչ ուզում են քանդել, անունը բարեփոխում են դնում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հայաստանում ինչ ուզում են քանդել, անունը բարեփոխում են դնում։ Իլհամ Ալիևի պահանջով Հայաստանի ռազմական ծախսերը և պարտադիր զինծառայության ժամկետը կրճատել են, դա բարեփոխում են անվանում։ Պատճառաբանում են, որ բանակը համալրելու են պայմանագրային զինծառայողներով։ Սահմանամերձ գյուղերում շատ են բնակիչները, ովքեր այլ աշխատանք չունեն, վարկեր ունեն, ստիպված են պայմանագրային զինծառայող դարձել։ Երևանի խոշոր հիվանդանոցներից մեկում ամիսը 8 օր՝ 8 «սուտկա» պահակ աշխատողը ամսական 200 հազար դրամ ռոճիկ է ստանում։ Սահմանագոտում 14 օր ու գիշեր սահման պահողն այդքանից պակաս գումար է ստանում։ Ամիսը 14 օր սահման պահող սահմանապահ աշխարհազորայինների աշխատավարձը անխղճորեն 180 հազար դրամից դարձրել եք 120 հազար դրամ, աշխարհազորայինների մի մասը դադարեցրել է մարտական ծառայությունը։ Պարտադիր զինծառայության ժամկետը կրճատում եք Ադրբեջանի պահանջով, նաև այն բանի համար, որ ԱԺ ընտրություններում զինվորների հարազատների քվեները ստանաք։ Եթե բանակը կարողանում եք համալրել պայմանագրայիններով, ինչո՞ւ եք տարին շարունակ վարժական հավաքներ անում, հավաքների մասնակիցներին կտրում իրենց տնից, գործից, տանում սահման պաշտպանելու»։