Հնդկական փառատոնի մասնակիցները գոմաղբ են նետել իրար վրա մեղքերից մաքրվելու համար

Հնդկաստանի Կարնատակա նահանգում տեղի է ունեցել Գորեհաբբա ավանդական փառատոնը, որը հայտնի է կովի գոմաղբ նետելու իր անսովոր ծեսով։ Մասնակիցները իրենց վւա քսում են կովի գոմաղ և այն նետում միմյանց վրա՝ հետևելով դարավոր հավատալիքներին։
Տեղական ավանդույթների համաձայն, այս ծեսն ունի մաքրագործող ուժ. այն ներում է մեղքերը, հաջողություն է բերում և պաշտպանում չար ոգիներից։ Տեղացիները կարծում են, որ կովի գոմաղբն ունի հատուկ հատկություններ՝ հինդուիզմում կովի սրբազան կարգավիճակի շնորհիվ։

Փառատոնը գրավել է հազարավոր մ-ասնակիցների և հանդիսատեսի։ Միջոցառումը նշվել է ընդհանուր ուրախության մթնոլորտում. ամբոխի ծիծաղի և ծափահարությունների ներքո մասնակիցները ոգևորությամբ նետել են այս «բնական արկերը»։

Չնայած օտարերկրացիների համար անսովոր ավանդույթին, Գորեհաբբան տարածաշրջանի մշակութային ժառանգության կարևոր մասն է կազմում։ Տեղական իշխանությունները ապահովել են սանիտարական չափանիշների պահպանումը, և ծեսից հետո մասնակիցների համար ստեղծվել են հատուկ տարածքներ, որտեղ նրանք կարող էին լվացվել։

Փառատոնը ցուցադրում է հնդկական մշակութային ավանդույթների բազմազանությունը, որտեղ նույնիսկ ամենաանսովոր ծեսերը պահպանվել են դարեր շարունակ՝ փոխանցվելով սերնդեսերունդ։