«Նիկոլ Փաշինյանը և մյուսները Հոկտեմբերի 27-ն օգտագործել են իրենց քաղաքական նպատակների համար»․ Բորիս Մուրազի

Լրագրող Բորիս Մուրազին ֆեյսբուքյան իր էջում գրել է․ «Անահիտ Բախշյանը այսօր դժգոհել է այն հանգամանքից, որ այս իշխանությունը չի բացահայտում Հոկտեմբերի 27-ի պատվիրատուներին։ Տիկին Բախշյանը կամ չի հասկացել, կամ ձև է տալիս, թե չի հասկանում, որ Նիկոլ Փաշինյանը և մյուսները այս տարիներին Հոկտեմբերի 27-ը՝ այդ թվում նաև Բախշյանի ամուսնու սպանությունը, օգտագործել են զուտ իրենց քաղաքական նպատակների համար։ Հոկտեմբերի 27-ը մաքսիմալ կապիտալիզացվել և մոնետիզացվել է այդ շրջանակների կողմից։ Հիմա տարին մեկ ծաղիկ կդնեն հուշաքարին՝ դա էլ պետք է բավարարի իրենց հարազատների հիշատակը քաղաքական նպատակներով օգտագործելու իրավունքը Փաշինյանին տված մարդկանց։
Հոկտեմբերի 27-ի այս պատմությունը ինձ մի բան է հիշեցնում․ ինդոնեզական Սուլավեսի կղզու բնակիչները տարին մեկ անգամ հանում են իրենց մեռելներին, փոխում հագուստները, քեֆ-ուրախություն են անում և կրկին դնում տեղը։ Հոկտեմբերի 27-ը շահարկողները շատ նման են այդ կղզու բնակիչներին՝ տարին մեկ անգամ հիշում են սպանված գործիչներին, իրենց դիվիդենտները հավաքում են և հոկտեմբերի 28-ին արդեն մոռանում, թե ինչի համար էին հավաքվել։ Ու այսպես՝ արդեն 26 տարի»: