ՀԱՄԱՍ-ը տվյալներ է տրամադրել Գազայում պատանդների մարմինների գտնվելու վայրի մասին

Պաղեստինյան ՀԱՄԱՍ շարժումը եգիպտացի ​​փրկարարների խմբին տվյալներ է տրամադրել Գազայի հատվածում սպանված պատանդների մարմինների գտնվելու վայրի մասին, հաղորդում է «Ալ Արաբիան»։ Սակայն չի նշվում, թե քանի իսրայելցի պատանդի մարմին կարող է լինել ՀԱՄԱՍ-ի կողմից նշված տարածքներում։

ՀԱՄԱՍ-ի խոսնակը նշել է, որ «պատանդների մարմինների՝ ավերակներից ազատման գործընթացն ավարտելու միակ խոչընդոտը հատուկ տեխնիկայի և մեխանիզմների բացակայությունն է»։

Ավելի վաղ Եգիպտոսից փրկարարների և ռազմական մասնագետների մի խումբ մտել է Գազա՝ մասնակցելու զոհված իսրայելցի պատանդների մարմինների որոնման և դուրսբերման գործողությանը։