«Շատ խելոք, լավ երեխա է, միշտ մաքուր, սիրուն հագնված»․ մանկապարտեզի աշխատակցուհի

«Շատ լավ ընտանիք են, խելոք, աշխատասեր մարդիկ են. երեխան միշտ մաքուր, սիրուն, կոկիկ հագնված բերում, տանում էին, երեխան էլ շատ ակտիվ էր։ Աստված տա՝ երեխան ողջ գտնվի»,- լրագրողների հետ զրույցում ասել է Ծափաթաղ համայնքի մանկապարտեզի աշխատակցուհի Էլզա Սառաջյանը։ «Երեկ ես գյուղում չէի, որ եկա, ասացին՝ Տիգրանը կորել է։ Բայց երեխան երեկ մանկապարտեզ է եկել, մինչև 1-ը մնացել է, եղբայրներից մեկը եկել է տարել, հետո էլ էդ դեպքն է եղել։ Շատ խելոք, լավ երեխա է, ես ստեղ աշխատում եմ, երեխեն սաղ օրը գնում-գալիս է մեր մոտ։ Մի օր էլ 2 կոնֆետ էր բերել, ասում էր՝ Էմմա տատի՛ (ինձ այդպես են ասում), քեզ համար եմ բերել, ասում եմ՝ խի՞ ես բերել, ցավդ տանեմ, ասում է՝ դու ինձ միշտ կոնֆետ ես տալիս, լավ է լինում»,- նշել է նա։