«Ինչպե՞ս են ՀՀ իշխանությունները նախապատրաստվում Սուլթանի և գլխավոր վեզիրի այցին». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան գրառումը․ «Ինչպե՞ս են Հայաստանի իշխանությունները նախապատրաստվում Սուլթանի և գլխավոր վեզիրի այցին, որը պետք է տեղի ունենա ԵՄ գագաթնաժողովի շրջանակներում գարնանը։
Տնային առաջադրանքների համատեքստումում՝ Առաքելական Եկեղեցին պետք է լինի մասնատված, Ցեղասպանության հուշահամալիրը՝ կիսավեր, քաղբանտարկյալների թիվը առավելագույնս շատ, այլախոհությունը՝ ոչնչացված, ազատ խոսքը և միտքը՝ ճնշված, բանակը՝ կազմալուծված, իսկ ժողովրդավարության լեշը քաղաքական սպանդանոցից կշպրտեն Նուբարաշենի աղբավայր։