«Գարեգին Երկրորդն այս ընթացքում թույլ տվեց առնվազն 2 խոշորագույն սխալ». Արգիշտի Կիվիրյան

Գարեգին Երկրորդն այս ընթացքում թույլ տվեց առնվազն 2 խոշորագույն սխալ, «Նյուզ»-ի եթերում ասաց վերլուլծաբան Արգիշտի Կիվիրյանը:
«Առաջին՝ որևէ պարագայում չպետք է ինչ-որ ձևով պայմանավորվել Նիկոլ Փաշինյանի հետ, որովհետև դա անիմաստ է, դրանից հետո Նիկոլը կակտիվացնի հարձակումները:

Երկրորդը՝ դու կարող ես շատ ազատ լինել, եթե ունենաս իշխանությունների հովանավորությունը: Ես առաջարկել էի մի տարբերակ՝ եթե խելոք լինեին, ուղղակի կկանչեին այդ քահանային և կառաջարկեին գնալ որևէ ավելի հեռու թև՝ Ավստրալիա, Կանադա: Կկտրեին նրան Հովհաննավանքից, կփրկեին Նիկոլ Փաշինյանի չանչերից, իսկ դրանից հետո կանդրադառնային նրա գործողությունների որակավորմանը: Բայց Հովհաննավանքում կրոնական համայնք ստեղծելու փորձը տեղի չէր ունենա: Այս առումով Էջմիածնի միաբանությունը պետք է հասկանա, որ անցյալի ձևերն էլ չեն աշխատում: Իրենք ոչ միայն իշխանությունների հովանավորությունը չունեն, այլև իշխանություններն ամեն ձևով փորձելու են իրենց վրա գտնել ինչ-որ կետ և ընդհուպ կալանավորել:
Այս գործընթացը կարող է հանգեցնել Հայ առաքելական եկեղեցու ինքնամաքրման, իրենց կպահեն սուրբ մարդու պես, որպեսզի իշխանությունները չկարողանան կեղտ գտնել: Այս փորձությունից հայ առաքելական եկեղեցին կարող է դուրս գալ շատ ավելի մաքրված: Մնում է ճիշտ հասկանալ իրավիճակն ու պայքարել Նիկոլ Փաշինյանի դեմ: Հասկանալով, որ եթե իրենք հանձնվեն, Փաշինյանը կտոնի հաղթանակ մի կառույցի նկատմամբ, որն ունի 1700 տարվա պատմություն»,- զգուշացրեց Կիվիրյանը: