«Առաջարկ կա՝ ստեղծել անձնական տվյալների պաշտպանության հարցերով զբաղվող անկախ մարմին»․ Վահե Հովհաննիսյան

«Արդարադատության նախարարությունում կա առանձին մարմին, որը զբաղվում է անձնական տվյալների պաշտպանության հարցերով, սակայն կա առաջարկ ստեղծել առանձին, անկախ մարմին»,- ԱԺ-ում հայտարարեց ֆինանսների նախարար Վահե Հովհաննիսյանը՝ ի պատասխան ընդդիմադիր պատգամավոր Արծվիկ Մինասյանի հարցին, թե 2026-ի համար արդյո՞ք նախատեսված են անձնական տվյալների ոլորտի զարգացման համար ֆինանսական միջոցներ։
Վահե Հովհաննիսյանի խոսքով՝ վաղը Նիկոլ Փաշինյանի գլխավորությամբ քննարկվելու են անկախ մարմնի ստեղծման հետ կապված առանձին դրույթներ․ «Եվ, եթե որոշում լինի, որ պետք է անձնական տվյալների պաշտպանության հարցերով զբաղվող առանձին մարմին ստեղծվի, ապա հավելյալ միջոցներ կհատկացվեն»,- ասաց Հովհաննիսյանը։