«Շատ վատ տպավորություն եմ ստացել․ էլ չեմ ուզում հանդիպել»․ Արայիկ Հարությունյան

«Երբ 2020 թվականին հանդիպեցի, շատ վատ տպավորություն ստացա և էլ չեմ ուզում հանդիպել»,- լրագրողների հետ զրույցում ասաց վարչապետի աշխատակազմի ղեկավար Արայիկ Հարությունյանը՝ խոսելով Ամենայն Հայոց կաթողիկոս Գարեգին Բ-ի հետ հանդիպման մասին։
Արայիկ Հարությունյանը պատմեց, որ Վեհափառին հանդիպել է, երբ «Հայոեց եկեղեցու պատմություն» առարկան դպրոցներից անելու շուրջ լարվածություն է եղել․ «Զրույցի ընթացքում մեղադրանք էր հնչում, թե ես վնասում եմ եկեղեցուն»,- ասաց Հարությունյանը՝ պատմելով, թե ինչպես է կաթողիկոսը որպես ապացույց ինչ-որ միջոցառումից լուսանկար ցույց տվել՝ մեղադրելով, որ Հարությունյանի կազմակերպած միջոցառմանը ներկա է եղել նաև կարգալույծ մի հոգևորական։ Արայիկ Հարությունյանի խոսքով՝ ինքը ո՛չ այդ միջոցառման կազմակերպիչն է եղել, ո՛չ էլ ճանաչել է Վեհափառի մատնանշած անձնավորությանը․ «Էս բարքերով, էս կեղծիքով՝ էն ժամանակ նախարար Արայիկ Հարությունյանի շուրջ ստեղծում էր մթնոլորտ, պապկա ուներ, որի մեջ դրված էր էդ կեղծիքը, և էդ կեղծիքով հոգևորականներին կերակրում էր»,- ասաց Հարությունյանը։