Ռուսական զորքերը հրետակոծել են Խերսոնի հիվանդանոցը

849

Չորեքշաբթի, 29 հոկտեմբերի, 2025 թ., 15:33

Ռուսական զինված ուժերն այսօր առավոտյան հարված են հասցրել Խերսոնի Դնեպրովյան շրջանին, որի հետևանքով լուրջ վնասներ է կրել առողջապահական հաստատություններից մեկը, հայտնել է շրջանի ղեկավար Ալեքսանդր Պրոկուդինը։

«Տուժածների թվում են երեք աշխատակից, ինչպես նաև մի երեխա»,- գրել է նա՝ Telegram-ում։

Խերսոնի մարզային դատախազությունը հայտնել է, որ հրետակոծության է ենթարկվել մանկական հիվանդանոցը. «Նախնական տվյալներով՝ հրետակոծության հետևանքով վիրավորվել է ինը մարդ, այդ թվում՝ չորս երեխա և երեք բուժաշխատող», - ասվում է հայտարարության մեջ։