«Հայտնի է՝ Գյումրիում կալանավորման հաջորդ թեկնածուներն ովքեր են»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը. «Արդեն հայտնի է, թե Գյումրիում կալանավորման հաջորդ թեկնածուներն ովքեր են։ Քանի որ հավաքարարների, աղբատար մեքենայի վարորդների մեծ մասին ձերբակալել են, իշխանությունը Գյումրիում վերցնելու համար Նիկոլն անցել է ընդդիմադիր ավագանիներին և ցուցակներում ընդգրկվածներին, և ամենևին կարևոր չէ, թե այդ օրը Գյումրու Կենտրոնական հրապարակից քանի կիլոմետր հեռավորության վրա ես եղել։ Եթե «վերբովկա» չես համաձայնվում լինել, ապա պետք է նստես․․․ Այնպես որ Վարդան Ղուկասյանի ցուցակից դեռևս 20 բռնվելու թեկնածու կա․․․ Մինչև կարողանան Սարիկին քաղաքապետի գոնե պաշտոնակատար կարգեն։ Բայց թե ում է պետք ու քանի կոպեկ արժե նման իշխանությունը, միայն իրենք կգիտենան։
Բայց իրենք խաղ են անում մի քաղաքի հետ, որը նման այլանդակությունները գրեթե չի ներում, թող լավ հիշեն»։