Ադրբեջանը չեղյալ է հայտարարել BBC-ի լրագրողների հավատարմագրումը և փակել գրասենյակը

Ադրբեջանը լուծարել է BBC-ի գրասենյակը երկրում և չեղյալ է հայտարարել դրա աշխատակիցների հավատարմագրումը, հաղորդում է APA տեղական լրատվական գործակալությունը՝ հղում անելով Ադրբեջանի լրատվամիջոցների զարգացման գործակալության իրավաբանական բաժնի հայտարարությանը։
«Տեղեկություններ են հայտնվել այն մասին, որ Ադրբեջանում փակված BBC-ի գրասենյակի աշխատակիցները շարունակում են լրագրողական գործունեություն ծավալել երկրում։ Ադրբեջանում այս գրասենյակի գործունեությունը նախատեսող որևէ միջազգային պայմանագիր չկա։ Հետևաբար, համապատասխան մարմինները լուծարել են այս գրասենյակը, հանել այն իրավաբանական անձանց պետական ​​գրանցամատյանից և չեղյալ են հայտարարել դրա աշխատակիցների հավատարմագրումը»,- ասվում է հայտարարության մեջ։
Հայտարարության մեջ նաև նշվում է, որ BBC-ի գրասենյակի գործունեությունը Ադրբեջանում իրավական հիմք չունի։ Փետրվարին երկրի կառավարությունը պահանջել էր դադարեցնել BBC Azerbaijan Service-ի գրասենյակի գործունեությունը Բաքվում։