«Ժողովրդավարության բաստիո՞ն, թե՞ Բաստիլ»․ Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանի ֆեյսբուքյան գրառումը․ ««Ժողովրդավարության բաստիո՞ն, թե՞ Բաստիլ»։ 2018թ. «կեղծ հեղափոխությունից» հետո մեզ խոստացան բռնապետական, կոռումպացված վարչակարգից ազատագրում և Հայաստանը հռչակեցին ժողովրդավարության բաստիոն։
․ Բաստիոնի խոստումը կերպափոխվեց քաղբանտարկյալներով լի հայկական Բաստիլի։ Սրբազաններ, զոհվածների հարազատներ, փաստաբաններ, շարքային քաղաքացիներ... ո՛վ հակադրվում է, նա՛ ազատազրկվում է։
․ «Տվե՛ք ինձ ամենապարզ մարդու ձեռագրերից վեց տող, և ես կգտնեմ մի բան, որով նրան կարելի է կախաղան բարձրացնել», - միտքը պատկանում է Ֆրանսիայի պատմական նշանավոր դեմքերից Կարդինալ դը Ռիշելյոին։ Ակնարկը պարզ էր։
․ Վերջերս եվրոպացի պատգամավորները ԱԺ պատերին ծեփեցին ՔՊ-ական խունտային՝ ազատ խոսքի, անհամաչափ ձերբակալություն-շոուների մասով, և հստակ հասկացրեցին, որ նման բաներն արձանագրվում են և թույլատրելի չեն։
․ Կերտում են ծուռ հայելիների հասարակարգ, որտեղ մտածող մարդը պետության թշնամին է, բարեպաշտ հավատացյալը՝ կռապաշտ հերետիկոս, հայրենասերը՝ դավաճան ու արկածախնդիր, համեստը՝ լպիրշ և ինքնահավան, մատնիչն ու բանսարկուն՝ հերոս-քաղաքացի։ Մի՛ դատիր, մի՛ խոսիր, մի՛ որոշիր, քո փոխարեն ամեն ինչ արված է և լուծված նոր հասարակարգում, որը ձևավորվում է հանուն Չորրորդ կեղծ հանրապետության։
Հ.Գ. Իսկ պառլամենտում շարունակեք 315.000 դրամանոց «փրփրագմփիկ» վայելել»։