«Աղվան Արշակյանի խափանման միջոց տնային կալանքը վերացվեց»․ Վարազդատ Հարությունյան

Այսօր Բագրատ Սրբազանի և մյուսների գործով դատական նիստում Աղվան Արշակյանի խափանման միջոց տնային կալանքը վերացվեց։ Այս մասին լրագրողների հետ զրույցում հայտնեց նրա փաստաբան Վարազդատ Հարությունյանը։

«Աղվան Արշակյանը առողջական խնդիրներ ունի, կարող է անհրաժեշտություն լինի, որ նա ՄՌՏ հետազոտություն անցնի և ֆիզիոթերապիայով զբաղվի, դրա համար դատարանը բավարարեց միջնորդությունը, և նրա նկատմամբ տնային կալանք խափանման միջոցը փոխվեց»,- նշեց Հարությունյանը՝ հավելելով, որ մեղադրող կողմը ներկայացնող դատախազներն այդ առնչությամբ չեն առարկել։