ՌԴ-ում Թուրքիայի պահանջով ադրբեջանցի քրեական հեղինակություն է ձերբակալվել

Մոսկվայում ձերբակալվել է Ադրբեջանի քաղաքացի Ալի Գյուլմալիզադեն, որը հայտնի է «Ալիջան Չաքըր» մականունով։ Ենթադրվում է, որ նա իրավաբան Սերդար Օքթեմի սպանության կազմակերպիչն է։ Օքթեմը սպանվել է Ստամբուլում իր մեքենայի վրա զինված հարձակման ժամանակ, հաղորդում են թուրքական լրատվամիջոցները։

Նշվում է, որ Գյուլմալիզադեն, որը համարվում է «Դալթոնլար» հանցավոր խմբավորման առաջնորդներից մեկը, ձերբակալվել է Ռուսաստանի ոստիկանության կողմից հոկտեմբերի 23-ին՝ Ստամբուլի անվտանգության գլխավոր վարչության կողմից տրամադրված տեղեկատվության հիման վրա անցկացված գործողության ընթացքում։ Թուրքիան և Ռուսաստանը ներկայումս Ալի Գյուլմալիզադեի արտահանձնման գործընթացն են իրականացնում։