Ստամբուլում Գազայի հարցով հանդիպում կանցկացվի

Թուրքիայի արտաքին գործերի նախարար Հաքան Ֆիդանը հայտարարել է, որ երկուշաբթի Ստամբուլում տեղի կունենա տարածաշրջանի ութ երկրների արտաքին գործերի նախարարների մասնակցությամբ հանդիպում՝ նվիրված Գազայի հատվածում տիրող իրավիճակին։
«Գազայի հարցում մեր հետագա քայլերը որոշելու համար մենք՝ տարածաշրջանի արտաքին գործերի նախարարներս, որ Նյու Յորքում հանդիպել էինք Թրամփի հետ, երկուշաբթի կհավաքվենք Ստամբուլում։ Սա կարևոր հանդիպում է։ Ութ երկրների առաջնորդները որոշակիացրել են Գազայի հարցում խաղաղության ծրագիրը։ Հենց դա էլ քննարկելու ենք»,- ասել է Ֆիդանը։