Կիրակի, 02 նոյեմբերի, 2025 թ.
|
Ստեփանակերտում`   +8 °C

«Ներգրավված է 53 քննիչ, բայց չեն կարողանում ավարտել նախաքննությունը»․ Արամ Վարդևանյան

«Ներգրավված է 53 քննիչ, բայց չեն կարողանում ավարտել նախաքննությունը»․ Արամ Վարդևանյան
261
Ուրբաթ, 31 հոկտեմբերի, 2025 թ., 20:12

Փաստաբան Արամ Վարդևանյանի ֆեյսբուքյան գրառումը․ «Հայաստանում կալանքների համատարած կիրառումն այլևս հայտնի է բոլորին: Անձնական ազատության իրավունքը սահմանադրական երաշխիք է և պահանջում է իրավապահներից հարգել ԱԶԱՏՈՒԹՅԱՆ ԿԱՆԽԱՎԱՐԿԱԾԸ: Հանրային հնչեղություն ունեցող բազմաթիվ գործերով արձանագրվում է այդ պահանջի ուղիղ անտեսումը և տևական խախտումը: Համատարած խնդիր է կիրառված կալանքների պահպանումը ստանդարտ, ձևական հիմնավորումներով իբրև՝ կատարվում է նախաքննություն, կամ դեռևս դատավարական գործողություններ պետք է կատարվեն: Որքանով է առհասարակ ողջամիտ նման իրավական պնդում կատարելը, երբ օրինակ՝ Սամվել Կարապետյանի գործով ներգրավված է 53 ՔՆՆԻՉ: Այսինքն՝ 130 օրից ավելի է ապօրինի կալանավորված է Սամվել Կարապետյանը, բայց 53 քննիչ դեռևս չեն կարողանում ավարտել նախաքննությունը, չեն կարողանում նվազագույն ջանասիրություն ապահովել, բայց պահանջում են, որ կալանքը պահպանվի:
Կալանքների անհիմն պահպանումը համարժեք է արդարադատության մերժմանը, համարժեք է արդարության մերժմանը, համարժեք է մարդասիրության մերժմանը:
Ազատություն բոլոր քաղբանտարկյալներին»։

Աղբյուրը`   Արամ Վարդևանյան