«Իշխանությունը շարժվում է բռնատիրությանը հատուկ մոտեցումներով»․ Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «Իշխանությունը վերջին օրերին՝ տարբեր իշխանականների շուրթերով, հայտարարում է, թե «Գյումրի 2» այլևս թույլ չեն տա:
Ի՞նչ է սա նշանակում: Իշխանությունը պարզորոշ հասկացնում է, որ բոլոր միջոցները գործադրելու է, որպեսզի ընդդիմադիր (նաև չեզոքություն դրսևորող) հայացքներ ունեցող որևէ գործիչ ընտրություններում չհաղթի:
Ճիշտ է՝ այս սկզբունքն ավելի վաղ դրսևորվել է Վանաձորում, Ալավերդիում, Բերդում և այլ քաղաքներում, սակայն իշխանությունն անոնսում է, որ գործածվող մեթոդներն առավել կտրուկ դրսևորումներ են ստանալու:
Իշխանությունը թքած ունի մեր քաղաքացիների ընտրական իրավունքի, կարծիքի ու նախասիրությունների վրա և իրեն օրենքից դուրս հայտարարելով՝ շարժվում է բռնատիրությանը հատուկ մոտեցումներով»։