Հութիների և Եմենի բանակի միջև կատաղի բախումներ են ընթանում

1028

Կիրակի, 02 նոյեմբերի, 2025 թ., 18:45

Եմենի հարավ-արևմուտքում գտնվող Թաիզ ափամերձ նահանգում բախումներ են տեղի ունեցել հութիների «Անսար Ալլահ» շարժման ուժերի և Եմենի բանակի միջև:
«Մարտերի ընթացքում մեկ զինվոր է զոհվել, իսկ մյուսը՝ վիրավորվել։ Արևմտյան Թաիզում գտնվող Շարաբի խաչմերուկի և Սիթին փողոցի մոտ հութիների դաշտային հրամանատար է սպանվել, իսկ մեկ մարտիկ վիրավորվել է», - նշել է աղբյուրը։

Աղբյուրի փոխանցմամբ՝ նոր բախումները տեղի են ունեցել հոկտեմբերի 19-ին արևմտյան Թաիզ քաղաքի ալ-Բարխի ուղղությամբ ալ-Քադդա հատվածում շփման գծի մոտ տեղի ունեցած նմանատիպ բախումներից մի քանի օր անց, որոնց արդյունքում երկու կողմերից էլ զոհվել և վիրավորվել է 11 մարդ։