«Մադուրոյի օրերը, որպես Վենեսուելայի նախագահ, հաշված են»․ Թրամփ

728

Երկուշաբթի, 03 նոյեմբերի, 2025 թ., 11:17

CBS News-ին տված հարցազրույցում ԱՄՆ նախագահ Դոնալդ Թրամփը համաձայնել է, որ Վենեսուելայի նախագահ Նիկոլաս Մադուրոյի նախագահությունն ավարտվում է: Մադուրոյի՝ որպես պետության ղեկավար «հաշված օրերի» մասին հարցին Թրամփը պատասխանել է. «Ես կասեի՝ այո: Կարծում եմ՝ այո»:

Ավելի վաղ ամերիկյան լրատվամիջոցները, հղում կատարելով իրենց աղբյուրներին, հաղորդել էին, որ ԱՄՆ վարչակազմը որոշել է հարվածներ հասցնել Վենեսուելայում գտնվող թիրախների վրա: Մինչդեռ Դոնալդ Թրամփը հայտարարել էր, որ Միացյալ Նահանգները մտադիր չէ հարձակվել Վենեսուելայի վրա: