Երկուշաբթի, 03 նոյեմբերի, 2025 թ.
|
Ստեփանակերտում`   +10 °C

«Պետք է վերանայել ատեստացիայի համակարգը»․ Տիգրան Աբրահամյան

«Պետք է վերանայել ատեստացիայի համակարգը»․ Տիգրան Աբրահամյան
144
Այսօր, 12:18

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «Զինված ուժերում իրական փոփոխությունների հասնելու համար պետք է վերանայել ներդրված ատեստացիայի համակարգը:
Այն հանգամանքը, որը ատեստացիային մասնակցած զինծառայողների 40%-ից ավելին չի հաղթահարում դրական շեմը, արդեն իսկ խոսում է զորքերում առկա մարտական պատրաստության մակարդակի մասին, սակայն զինծառայողների համապատասխան «մարզավիճակի» համար պատասխանատուներն անհրաժեշտ հետևություններ անելու փոխարեն երկրորդական, շատ հաճախ՝ պոպուլիստական նախաձեռնությունների վրա են կենտրոնանում:
Կարծում եմ, որ որպես հրատապ քայլ 2 ուղղությամբ պետք է աշխատել՝ բազային աշխատավարձի և մարտական հերթապահության գումարների բարձրացման ուղղությամբ:
Այդ գումարների մի մասը պետք է նախատեսել ատեստացիայի գումարների նվազեցման, մյուս մասը՝ բյուջեի լրացուցիչ ներարկումների միջոցով:
Ատեստացիայի գումարները պետք է տրամաբանական վերաբաշխումների ենթարկվեն, իսկ ՊՆ-ն իր կենտրոնական ապարատի ջանքերը կենտրոնացնի զորքերի մարտունակությունը համապատասխան մակարդակի բերելու ոչ ձևական միջոցառումների իրականացմամբ և վերահսկմամբ»: