«Մենք շարունակում ենք պատրաստվել խաղաղության, ադրբեջանցիները` պատերազմի». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանի ֆեյսբուքյան գրառումը. «Խաղաղությունը Չորրորդ հանրապետության կառուցման առասպելական ֆունդամենտն է, որն ամեն օր մեր աչքն են կոխում՝ բերան փակելով, ասֆալտին ծեփելով, եկեղեցին գրոհելով, աղանդավորական փարթիներ կազմակերպելով և դույզն-ինչ ընդվզման դեպքում բանտարկելով։
Ալիևը Հայաստանն անվանում է Արևմտյան Ադրբեջան, Սևանա լիճը՝ Գյոյչա, Թրամփի ուղին՝ Զանգեզուրի միջանցք։ Խունտան վերջապես գտնում է միանգամյա օգտագործման լուծում, ուրեմն այսպես հայկակական կողմը իր տարածքում գտնվող ճանապարհի մասը կանվանի «Թրամփի ուղի», իսկ ադրբեջանցիները իրենց հատվածը ինչ ուզում են թող կոչեն։ Լա՛վ, դա փաստացի ո՞նց եք ամրագրելու վերջնական պայմանագրում, իսկ դա իր հերթին ինչպե՞ս է արտացոլվելու միջազգային հարթակներում։
Իսկ կարո՞ղ է մենք նույն տրամաբանությամբ «պատերազմը» կոչում ենք «խաղաղություն», իսկ ադրբեջանական կողմը՝ ընդհակառակը։ Եվ արդյունքում մենք շարունակում ենք պատրաստվել խաղաղության, իսկ իրենք՝ պատերազմի։