«Մարդ նույնիսկ իրա անձնական ախոռի նորոգմանն էդպիսի անորակ ընթացք չէր տա». Լիլիթ Գալստյան

Հայոց ցեղասպանության հուշահամալիրի վերականգնման ընթացքի մասին անհանգստություն հայտնեց ընդդիմադիր պատգամավոր Լիլիթ Գալստյանը. «Կներեք, բայց մարդ նույնիսկ իրա անձնական ախոռի նորոգման պարագայում այդպիսի անորակ շինարարական ընթացք չէր կազմակերպի: Մեր բոլորի անհանգստությունը բխում է հանրապետական, համազգային նշանակության սրբավայրը պատշաճ վերանորոգված տեսնելու մտահոգությամբ»: «Տիկի՛ն Գալստյան, դուք քարի մասնագե՞տ եք... Բոլորս ասում ենք, որ հուշահամալիրը պետք է պատշաճ վերականգնվի ու պետք է բացառել որևէ խնդիր: Մնացած խոսակցությունները ինչի՞ համար են»,- ասաց ԿԳՄՍ նախարար Ժաննա Անդրեասյանը:

Ավելի վաղ նախարարն ասել էր՝ մինչև ապրիլ աշխատանքներն ավարտվելու են: