«Բա որ քո երկիրն այդքան սիրում էիր, ինչո՞ւ ազգուտակիդ չէիր ասում՝ էս ինչ կերպ եք վարվում մեր երկրի հետ»․ Արայիկ Հարությունյան

Վարչապետի աշխատակազմի ղեկավար Արայիկ Հարությունյանի ֆեյսբուքյան գրառումը. «Սերժ Սարգսյանն այսօր ասել է, որ եթե նույնիսկ ինքն իմանա, որ Հայաստանում իրեն մահապատիժ է սպասվում, չի լքի երկիրը, որովհետև՝ «սա իմ երկիրն է, իրենց երկիրը չէ» (մեջբերում):
Բա որ քո երկիրն այդքան սիրում էիր, ինչո՞ւ ազգուտակիդ չէիր ասում՝ էս ինչ կերպ եք վարվում մեր երկրի հետ՝ եղբայրներիդ, նրանց զավակներին, փեսայիդ, կուսակցականներիդ, նախարարներիդ, վարչապետերիդ, համայնքապետերիդ, որոնցից շատերն անցնում են քրեական գործերով: Ինչո՞ւ չէիր ասում: Թե՞ դա էլ է սիրուց: Կամ էլ ինչպես ասում էին նախկին հիմնարկիդ ժողովուրդը (չնայած դա նախկին չի լինում)՝ бьёт - значит любит?»։