«ՔՊ-ում չեն հարգում նույնիսկ իրենց ընկերոջ չչորացած արյունը». Նաիրի Հոխիկյան

Լրագրող Նաիրի Հոխիկյանը գրում է. «Օրերս Երևանում երիտասարդ տղայի էին սպանել։ Պարզվել էր՝ անձնական հողի վրա մեկի հետ խմբակային ծեծկռտուք էր եղել, ու կրակոցների հետևանքով մահացել էր ՔՊ-ի համակիր Շմավոն Աթոյան անունով մարդ։
Աստված հոգին լուսավորի։ Ոչ մի հայի մահ ցանկալի չէ։
Բայց ՔՊ-ի քարոզչական որոշում կայացնողները ի՞նչ աստիճանի անբարո պիտի լինեն, որ նույնիսկ իրենց մտերիմ մարդու մահից փորձեն օգուտ ստանալ՝ տողերի արանքում մեղադրելով ընդդիմադիր ուժերին։
Մասնավորապես, ՔՊ-ական քարոզիչները հայտարարել էին, թե մահացածը կոշտ քննադատել է Սամվել Կարապետյանի հիմնած «Մեր ձևով» շարժումը։ Հետո՞ ինչ։ Ասենք թե~ քննադատել է, ինչո՞ւ են դա կապում այդ մարդու սպանության հետ։ Կապում են, որպեսզի մի քանի հիմար այդ կորեկն ուտի ու վատ տրամադրվի ընդդիմադիր շարժման նկատմամբ։
Այսպիսի պիղծ մարդիկ, ինչպիսիք հավաքվել են ՔՊ-ում, ուրիշ ոչ մի տեղ երևի չկան, որ չհարգեն նույնիսկ իրենց ընկերոջ չչորացած արյունը։
Վայ, ձեր նամուսը»։