«Ես էլ կարող եմ մեծահարուստ դառնալ, բայց կդառնա՞մ»․ Ոսկան Սարգսյան

Լրագրող Ոսկան Սարգսյանի ֆեյսբուքյան էջում գրում է․ «Նիկոլ Փաշինյանը հայտարարել է, թե 2025 թվականին Հայաստանում ուսուցիչը կարող է ստանալ 700 հազար դրամ և ավելի վարձատրություն։ Ես էլ կարող եմ մեծահարուստ դառնալ, բայց կդառնա՞մ։ Հայաստանի հանրակրթական դպրոցների շուրջ 30 հազար ուսուցչից հիմա քանի՞սն է 700 հազար դրամ և ավելի աշխատավարձ ստանում։ Տավուշի հանրակրթական դպրոցներում մի դրույք՝ շաբաթը 20 ժամ դասաժամ պարապող ուսուցիչը ստանում է 120 հազար դրամ։ Համեմատության համար ասեմ, որ Երևանի «Գրիգոր Լուսավորիչ» ԲԿ-ում ամիսը 8 օր՝ 8 «սուտկա» աշխատող պահնորդը ստանում է 200 հազար դրամ ռոճիկ։ Դպրոցներում տղամարդ քիչ ուսուցիչ է մնացել, եթե տղամարդն ուսուցիչ աշխատի, բա նրա տունը ո՞վ պահի»։