«Որոշ ընդդիմադիր կուսակցությունների արգելումը անհրաժեշտ է ժողովրդավարության պաշտպանության համար»․ Կոբախիձե

Որոշ ընդդիմադիր կուսակցությունների արգելումը անհրաժեշտ է Վրաստանում՝ ժողովրդավարությունը պաշտպանելու համար, քանի որ այդ քաղաքական ուժերը դեմ են վրացական պետականությանը և չեն ճանաչում գործող իշխանությանը, լրագրողներին ասել է Վրաստանի վարչապետ Իրակլի Կոբախիձեն։

«Գոյություն ունի հանցավոր խմբավորում, օտարերկրա գործակալական խումբ, որը հանգիստ չի տալիս երկրին։ Դրանք հակաժողովրդավարական ու հակասահմանադրական ուժեր են, որոնք մշտապես փորձում են տապալել սահմանադրական կարգը։ Նման պայմաններում ժողովրդավարական համակարգը, իհարկե, պետք է պաշտպանի իրեն», - ասել է Կոբախիձեն։